Публикации » Хастар пенсионеркăсем çеçкесене сÿнме памаççĕ

18 августа 2010 г.

Кăçалхи вăраха кайнă шăрăх çанталăк тыр-пула çеç мар, çеçкесене те сарăлса ларса илем кĕртме памарĕ, йăлтах вĕтелесе илчĕ. Çавна пулах Республика кунĕ ячĕпе лартнă капăр чечексен ĕмĕрĕ те вăраха пымарĕ. Çапах та хăш-пĕр вырăнта вĕсем ем-ешĕл те хитрех лараççĕ. Акă, Патăрьелĕнчи Ленин проспекчĕн 49-мĕш çурт çумĕнчи тимĕртен эрешленĕ клумба çинчи чечексем паян та хĕм сапаççĕ. Кану паркĕ умĕнчи капăрлăха та шăрăх çанталăк тĕксĕмлетеймен. Çак илем Т. Шакмаковăпа Л. Уткина пенсионеркăсене пула сыхланать-мĕн. Ватăсем никам ыйтмасăрах çеçкесене кашни каçах шăвараççĕ, çум курăкран та тасатса тăраççĕ.