18 августа 2010 г.
Çулталăкăн кирек хăш вăхăтĕнче те вут-кăвартан питĕ сыхă пулмалла. Чрезвычайлă лару-тăруллă тапхăрта пушшех те тимлĕхе ÿстермелле. Çак кунсенче Татмăшри ферма çывăхĕнчи курăка, çÿп-çап тăкмалли вырăна вут хыпса илнĕ. Унăн тĕтĕм-сĕрĕмĕ чылайччен таврана хупăрласа тăнă.
Пушар хуралĕнчен пĕлтернĕ тăрăх, иртнĕ эрнере çеç Пăлапуç Нурăсĕнче виçĕ пушă çурт çунса кĕлленнĕ. Кашни ялтах çакнашкал пурăнман пÿртсем пур. Ялсенче вĕсене тимлĕн пăхсах тăмалла, инкек-синкек тухасран пурин те пĕр çын пек пулса асăрханмалла.