Публикации » Чăваш Ен – улттăмĕш

25 августа 2010 г.

Раççей Правительствин ларăвĕнче çĕр-шыв субъ-екчĕсен ĕç тăвакан влаçĕн пĕлтĕрхи ĕçĕ-хĕлĕн эффективлăх кăтартăвĕсен пĕлтерĕшне хак панă. Уйрăммăн илсен субъектсен аталанăвне (вăл шутра халăх патшалăхăн пулăшу ĕçĕсен пахалăхĕпе тата субъектăн ĕç тăвакан влаç органĕсен ĕçĕ-хĕлĕпе кăмăллă е кăмăллă мар пулнине), сывлăха сыхлас ĕçе тата халăх сывлăхĕ мĕнле шайра пулнине, вĕрентĕве, пурăнмалли çурт-йĕрпе коммуналлă хуçалăха, çул-йĕр хуçалăхне, граждансене хăрушсăрлăхпа тивĕçтернине, патшалăх управленине йĕркеленине. Хак панă чухне Раççей Федерацийĕн Регионсен аталанăвĕн министерстви çак кăтартусене тĕпе хунă: бюджет укçи-тенкине тăкакланин эффективлăх шайне тата халăх субъект ĕç тăвакан влаç органĕсен ĕçĕ-хĕлĕн результачĕсене мĕнле хак панине. Вĕсемпе килĕшÿллĕн пирĕн республика 2008 çулхи кăтартусем пекех 6-мĕш вырăн йышăннă.

А. ИВАНОВ.