25 августа 2010 г.
Çанталăк чылай вăхăт уяр тăрать, çавна май нÿрĕк юратакан пахча çи-мĕçсене шăварни уйрăмах пĕлтерĕшлĕ. Хăярпа ку-пăстана кун сиктерсе шăвармалла, çакăн хыççăн кăпкалатма манмалла мар. Пăрăçпа помидор тĕмĕсене – эрнере пĕр-икĕ хут кăна. Пиçсе çитнĕ çимĕçсене пухса тăварламалла, консервламалла. Помидора пиçсе çитмесĕрех татса хума юрать, тăм ÿкиччен тата фитофтороз чирĕ тапăниччен (вăл тĕтре хыççăн тапăнать) ĕлкĕрмелле. Аялти çулçисене татса пăрахсан çимĕçсем хăвăртрах çитĕнеççĕ.
Пуçлă сухан, ыхра, ир пулакан çĕр улми, кишĕр, кабачок (мăн хăяр) – уяр çанталăкра кăлармалли-пухмалли çимĕçсем.
Теплицăсемпе парниксем пушанса пыраççĕ. Вĕсене ÿсен-тăран юлашкисенчен тасатмалла, çуркунне усă курмашкăн ха-тĕрлемелле. Пахчари пушаннă лаптăксене петрушка, укроп, ытти ешĕл çимĕç акăр, хĕл кунĕсем пуçланиччен вĕсем ÿссе çитме ĕлкĕреççĕ.