01 сентября 2010 г.
Кăçал ялсенче чылайăшĕ шывсăр нушалантăмăр. Тĕрĕссипе вăл апат пĕçерме те аран çиткелерĕ. Унсăр пуçне тата хуçалăхра шывпа усă курса пурнăçламалли мĕн чухлĕ ĕç! Çакнашкал йывăрлăхран хăтăлас, малашне шывпа ытлă-çитлĕ пурăнас тĕллевпе вырăнсенче çĕнĕрен тарăн пусă чавакансем те, киввине тасатакансем те, Турă панă çăл куçа тасатса сиплекенсем те пур.
Анат Тăрмăшсемпе Çăл Атăксем те тапса тăракан çăла хăйсен вăйĕпе тасатса кунтан шыв илсе тăмалли вырăн тăваççĕ. Куç пек тăрă шывшăн кашниех мĕнпе те пулин пулăшма хатĕр. Çапла пулмалла та ĕнтĕ. Çыннăн организмне çеç кашни кун икĕ литртан кая мар шыв кирлĕ-çке.