04 сентября 2010 г.
ЧР Культура министерствин колегийĕн черетлĕ ларăвĕнче “Патшалăх массăллă информаци хатĕрĕсем “Чăваш Республикин Журналистсен союзĕ” общество организацийĕпе çыхăну тытса ĕçлени çинчен” ыйту пăхса тухнă. Ларăва Р. Лизакова министр ертсе пынă.
Чăваш Ен Журналистсен союзĕ 1923 çулта чăмăртаннă. Хальхи вăхăтра ун йышĕнче – 444 журналист.
Союз председателĕ В. Комиссаров хăйĕн докладĕнче калем ăстисен пĕрлĕхĕн историйĕпе тĕплĕн паллаштарнă, унăн паянхи ĕçĕн тĕп саманчĕсем пирки чарăнса тăнă.
Ларура çавăн пекех ЧР Культура министерствин массăллă информаци хатĕрĕсемпе информаци политикин пай пуçлăхĕ А. Магарин министерство союзпа пĕрле тăвакан ĕçсем пирки каласа кă-тартнă.