Публикации » Музей экспонатсемпепуян пулни паха

11 сентября 2010 г.

Краеведени музейĕ халăх историне, унăн йăли-йĕркине, авалхи çи-пуçĕпе ал ĕç хатĕрĕсене ламран лама упракан пĕлтерĕшлĕ вырăн. Вăл экспонатсемпе пуян пулни кураканшăн паха. Çак кунсенче хаçат редакцине Çăл Атăкран пăшăрханса шăнкăравларĕç. Сăмах шăпах краеведени музейĕ пирки пычĕ. Анат Тăрмăшĕн-чи шкулта çакнашкал кĕтес хĕрĕх çул пулнă. Унта шкула е яла килекен хăнасем те кĕрсе тухнă, экспонатсемпе паллашнă. Кăçалхи Çĕнтерÿ кунĕ тĕлне музея ялти клуба куçарнă-мĕн. Ун валли кунта ятарлă пÿлĕм пур, анчах та паян çынсем музейран чылай паха япала çухалнишĕн пăшăрханаççĕ. Ĕлĕкхи укçа, вăрçă участникĕсен паха наградисем те хăйсен вырăнĕнче çук иккен.