11 сентября 2010 г.
l Хирте ĕç шавĕ лăпланмасть-ха. Хальхи вăхăтра ял хуçалăх предприятийĕсем кĕрхи культурăсене акма çĕр хатĕрлеççĕ, ĕçе 6500 гектарта пурнăçланă. Планпа кăçал кĕрхисем 5443 гектар йышăнмалла, 4100 гектар никĕсе хывнă. Ку ĕç малалла пырать.
l Кĕрхи çĕртме 8000 гектарта тунă.
l Çанталăк шăрăх тăнипе çĕр улми лаптăкĕн пысăк пайĕ пĕтнĕ. “Иккĕмĕш çăкăра” 431 гектарта пуçтарса кĕртмелле. Пур хуçалăхра та ĕçе пикеннĕ: 380 гектар кăларнă. Нÿр çителĕксĕр пулни тухăçра та лайăх курăнать, кăçал вăл пĕлтĕрхинчен чылай пĕчĕк. Районĕпе вăтам тухăç 41,5 центнерпа танлашать.
l Хăш-пĕр хуçалăхра пахча çимĕç культурисене сутма тытăннă.
l Ял хуçалăх предприятийĕсем выльăх апачĕ валли ытти регионсенчен утă, улăм турттарассипе малалла тимлеççĕ.