11 сентября 2010 г.
Чăваш Республикин Президенчĕн “Чăваш Республикинчи çамрăк граждансене патшалăх паракан пулăшăва вăйлатакан мерăсем çинчен” Указĕпе килĕшÿллĕн, ЧР Президенчĕн стипендине илме ĕмĕтленекен çамрăксенчен кăçалхи авăн уйăхĕн 1-мĕшĕнчен документсем йышăнма пуçланă. Ăна вĕренÿре, ăслăлăхра, пултарулăхра, производствăра, бизнес-проектсем хатĕрлес енĕпе, тĕпчев, общество тата управлени ĕç-хĕлĕпе пысăк çитĕнÿсем тунă çынсем – 14-30 çултисем тивĕçме пултараççĕ. Тăрăшуллă та хастар çамрăксене пулăшасси, вĕсен ĕмĕт-тĕллевне пурнăçа кĕртмешкĕн тивĕçлĕ условисем туса парасси – Чăваш Енри политикăн тĕп çул-йĕрĕнчен пĕри.