15 сентября 2010 г.
Василий Давыдов – Анатрине юлашки çула ăсатас умĕнхи хурлăхлă митинга ЧР культура министрĕн тивĕçĕсене пурнăçлакан Роза Лизакова уçнă, поэтăн ĕçĕ-хĕлĕпе паллаштарнă, унăн çутă сăнарĕ тăван халăх чĕринче яланлăхах упранасса шаннине пĕлтернĕ.
Шупашкар хула администраци пуçлăхĕ Николай Емельянов çитес вăхăтра хулари пĕр урама поэт ятне парасси çинчен каланă.
Çавăн пекех митингра Патăрьел район пуçлăхĕ Николай Глухов, ЧР Профессионал писательсен союзĕн председателĕ Сергей Павлов, Чăваш патшалăх гуманитари ăслăлăхĕсен институчĕн пай пуçлăхĕ Михаил Кондратьев, Чăваш халăх поэчĕсем Николай Исмуков, Порфирий Афанасьев, Юрий Сементер хăйсен сăмахĕсенче, аса илĕвĕсенче Василий Давыдов – Анатрин нумай енлĕ пултарулăхĕ пирки чарăнса тăнă.