22 сентября 2010 г.
Пурнăçра пуринпе те темĕнле кĕтменлĕх те, инкек те сиксе тухма пултарать. Тĕрлĕрен сăлтавпа пĕр тăвансем, çывăх тăвансем темиçешер çул курнăçайманнисем те пайтах. Пĕрремĕш телеканалпа кăтартакан пурте кăмăллакан “Жди меня” передача шăпах çакнашкал çынсен шăпине пайăрлатать, вĕсене телейлĕ тăвать, савăнтарать. Çапла тăвас тесен, паллах, передачăна хатĕрлекенсен питĕ нумай ĕçлемелле, хăйсене пулăшаканĕсене шырамалла. Пирĕн районтан та пур çак передачăн обществăлла хастарĕ. Патăрьелĕнче пурăнакан В. Думилина хăй ирĕкĕпе çак передачăна пулăшма хапăл тунă. Çак тĕллевпе вăл хамăр тăрăхри хăш-пĕр çынсен шăпипе çыхăннă историне чылай тĕпчет.