06 октября 2010 г.
К.В. Иванов ячĕллĕ Чăваш патшалăх академи драма театрĕнче Чăваш Республикинче пурăнакан тутар çамрăкĕсен I форумĕ иртнĕ.
Мероприятие хутшăнакансене Чăваш Республикинчи Мăсăльмансен тĕн управленийĕн председателĕ Альбир-хазрат Крганов муфти, Тутарсен наци культура автономийĕн канашĕн председателĕ Ферид Гибатдинов, Чăваш наци конгресĕн вице-президенчĕ Валентин Абрамов тата ыттисем саламланă.
Форума Чăваш Республикинчи хула – районсенчен 200 делегат, Тутарстанран килнĕ хăнасем хутшăннă. Ларура республикăри тутар çамрăкĕсен координаци канашне йĕркеленĕ. Унăн председателĕ пулма Рушан Гибатдинова çирĕплетнĕ.