Публикации » Мода варкăшĕ ачасене сиен ан кÿтĕр

09 октября 2010 г.

Шăнкăртамри 1-мĕш вăтам шкулти 10-мĕш “а” класра вĕренекенсем уççăн калаçма çавра сĕтел тавра пуçтарăннă. Сÿтсе явмалли тема пурне те кăсăклантарнă: “Хальхи мода варкăшĕ тата сывлăх”. Класс ертÿçи М. Алеева çамрăксем ÿт çине шăтарса ÿкернĕ тĕрĕ (татуировка) сывлăхшăн епле сиенлĕ пулни çинчен калаçу пуçарнă. Çул çитмен ачасем ун пек чухне тĕрлĕрен инфекципе чирлеме пултараççĕ. Суран пирчеменнипе юн каяс хăрушлăх та пысăк. Çавра сĕтел тавра пуçтарăннă вĕренекенсене класс ертÿçи çамрăксен ÿт-пĕве тата та тирпейлĕ тытмалли пирки тĕплĕн ăнлантарнă. Кайран çав ăссăрла ĕçшĕн никамăн та ÿкĕнмелле ан пултăр.