13 октября 2010 г.
Иртнĕ вырсарникун, октябрĕн 10-мĕшĕнче, районта хăй тытăмлăх органĕсен суйлавĕ иртрĕ.
Ирхине 8 сехетре районта йĕркеленĕ 55 участок суйлавçăсене йышăнма хатĕрри çинчен пĕлтерсе алăкĕсене уçрĕ.
Кăнтăрла çитнĕ тĕле списока кĕртнĕ çынсенчен 8670-шĕ (30 процент) хăйĕн гражданин тивĕçне пурнăçларĕ. 14 сехетре вара ку кăтарту 46 процентпа танлашрĕ. Суйлав вĕçленесси çур сехет юлсан Юхмапа Пăла тăрăхĕнче списока кĕртнĕ 29610 çынран 20775-шĕ (70 процент ытла) сасăлани паллă пулчĕ.
Кăтартусене пĕтĕмлетнĕ хыççăн Ыхра Çырми, Кзыл-Чишма, Ишлĕ ял поселенийĕсенчи суйлавçăсен хастарлăхĕ уйрăмах пысăкки палăрчĕ.
А. ИВАНОВ.