13 октября 2010 г.
Авăн уйăхĕнче Раççей Пенси фончĕ 20 çул тултарнине халалласа республикăра клиентсен куçса çÿрекен службин авточупăвне йĕркеленĕ. Пенси ыйтăвĕпе тимлекен васкавлă пулăшу служби республикăри чылай районсене çитсе ял поселенийĕсенчи социаллă-культурăллă объектсенче, суту-илÿ предприяти-йĕсенче пулнă, граждансемпе пенси тивĕçтерĕвĕ тата страхованийĕ пирки консультацисем панă.
Пирĕн районта клиентсен куçса çÿрекен служби кăçалхи март уйăхĕнченпех ĕçлет. Çак тапхăрта вĕсем вунпĕр хутчен вырăна тухса халăхпа тĕл пулнă, районти 172 çыннăн ыйтăвне татса панă.