20 октября 2010 г.
Эрнекун, юпа уйăхĕн 15-мĕшĕнче, район администрацийĕн залĕнче район депутачĕсен Пухăвĕн пĕр-ремĕш ларăвĕ иртнĕ. Ларăва çулпа чи аслă депутат, 18-мĕш номерлĕ Сител суйлав округĕнчен суйланнă А. Иванов уçнă.
Полномочи срокĕ вĕçленнĕ май, район пуçлăхĕ Н. Глухов хăй район пуçлăхĕн ĕçĕсене пурнăçлама чарăнни çинчен пĕлтернĕ. Кун йĕркинчи пĕрремĕш ыйтупа – уççăн сасăласа – депутатсем Патăрьел район пуçлăхĕ – район депутачĕсен Пухăвĕн председателĕ пулма 19-мĕш номерлĕ Первомайски суйлав округĕнчен суйланнă М. Петров депутата, район пуçлăхĕн çумĕ пулма 22-мĕш номерлĕ Сăкăт суйлав округĕнчен суйланнă П. Никифоров депутата суйланă.
Лару район администрацийĕн пуçлăхĕн должноçне йышăнма конкурс ирттермешкĕн 6 çынран комисси çирĕплетнĕ.
Конкурс комиссине патшалăх власть органĕсенчен тата 3 çынна кĕртме Чăваш Республикин Президенчĕ патне ыйтса çырнипе (ходатайствăпа) тухнă. Ларура район депутачĕсен Пухăвĕн яланхи комиссийĕсене туса хума йышăннă.
А. ИВАНОВ.