Публикации » Харăсах икĕ ывăлне салтака ăсатнă

27 октября 2010 г.

Вунсакăр çул тултарнă каччăсене çар хĕсметне ăсатмалли кĕркуннехи тапхăр малалла тăсăлать. Çак кунсенче Ульяновкăра пурăнакан Ю.Васильевсен çемйи харăсах икĕ ывăлне сĕт çулĕпе кайса çу çулĕпе килме пил панă. Женьăпа Алеша иккĕшĕ те Шупашкарти строительство техникумĕнчен вĕренсе тухса диплом илнĕ. Мĕн ачаранпах вĕсем ашшĕ пек пултаруллă та кăтартуллă салтак пулма ĕмĕтленнĕ. Вăл вара салтак тивĕçне сăртлă-туллă Афганистан çĕр-шывĕнче пурнăçланă, “Паттăрлăхшăн” медаль кавалерĕ. Çавăнпа вăл ывăлĕсем те хăй пекех ят-сумпа килессе шанать.

Çак ялтанах Васильевсен икĕ ывăлĕпе пĕрле П.Краснова та Тăван çĕр-шыва хÿтĕлеме чыслăн ăсатнă.