30 октября 2010 г.
Пĕтĕм Раççейри халăх çыравĕ Юхмапа Пăла тăрăхĕнче ăнăçлă пуçланчĕ, кăмăллă вĕçленчĕ. Уйрăммăн илсен çыравра Сăкăт, Шăнкăртам, Хирти Пикшик ял поселенийĕсем пысăк хастарлăх кăтартнă. Вĕсенче халăхăн 99,7, 92,7, 89,7 проценчĕ хăйсен гражданла ти-вĕçне пурнăçланă.
Çырав вăхăтĕнче районта вăрăм ĕмĕрлĕ çынсем йышлăн пулни те палăрнă. Вĕсем пирки хаçатăн иртнĕ номерĕнче те çырнăччĕ. Сăмахран, Шăнкăртамри Бедрикамель Салахутдиновна Халитова вара 102 çулта.
Халăх çыравне районĕпе 155 çырав ĕçченĕ хутшăннă. Вăл шутра участоксенче ĕçлекен çичĕ заведующи, 27 инструктор. Юпа уйăхĕн 26-29 мĕшĕсенче инструкторсемпе çыравçăсем хăйсен участокĕсенче пурăнакан çынсен вунă процентне тепĕр хут тĕрĕсленĕ.