13 ноября 2010 г.
Районти шкул ачисем хушшинче краеведенипе иртекен олимпиада икĕ турпа пулнă. Унта 6-мĕш тата 9-мĕш классенче вĕренекенсем хутшăннă. Вĕсем пĕрремĕш турта йĕркелÿ комитетне “Ытарайми Чăваш Ен” тĕпчев ĕçĕ тăратнă. Ăна Чăваш Республики 90 çул тултарнине халалланă.
Иккĕмĕш тур вара вĕрентÿ пайĕн хушма пĕлÿ паракан центрĕнче иртнĕ. Олимпиадăна хутшăнакансем ыйтусемпе тестсене хуравланă.
Пĕрремĕш турта Туçари вăтам шкулти П. Павлов, Алманчăри вăтам шкулти А. Петрова çĕнтернĕччĕ. Иккĕмĕшĕнче Первомайскинчи вăтам шкулти А. Козловпа Р. Кузьмин малти вырăна тухнă.