17 ноября 2010 г.
“Калинино-Патăрьел–Елчĕк”–Аслă Чемен–“Шăмăршă-Суйкăн-Алтышево” çула тăвасси малалла пырать. Икĕ района (Патăрьелпе Улатăр) сыпăнтаракан участокра 56 ĕçчен тăрăшать. Паллах, халĕ ĕлĕкхи пек алă вăйĕпе мар, пĕтĕмпех машина пурнăçлать: кунта та 40 единица техника, 39 самосвал.
Çĕр хăпартас ĕçе вĕçленĕ, хăйăрпа вак чул сараççĕ. Сезон пĕтиччен 10 километр тăсăлакан участокра (вăл шутра пирĕн район территорийĕнче 8,8 километр) çак ĕçе пĕтĕмпех пурнăçлама палăртнă. Урăхла каласан, юр кайсан асфальт турттармалли çеç юлĕ.
Улатăра çывăхлатакан çула тунă çĕрте “Чăвашавтодор” акционерсен уçă пĕрлешĕвĕн Çĕмĕрлепе Канаш участокĕсем тата “Шыгырданы” ТПК ĕçченĕсем ĕçлеççĕ.
А. ИЛЬИН.