17 ноября 2010 г.
Вăл Патăрьелĕнчи Михайловсен çемйинчен. Районти ЗАГС пайĕ 400-мĕш ача çуралнине чыслă лару-тăрура шута илнĕ. Çак ятпа ирттернĕ мероприятинче Г.Козлова специалист ашшĕне ача çуралнине çирĕплетекен пĕрремĕш документа–свидетельство панă. Çавăн пекех Алина Валерьевнăпа Валерий Васильевича ырлăх-сывлăх, телей, ăнăçусем суннă.
Иван–çемьери тăваттăмĕш ывăл. Вăл çут тĕнчене килнĕ ятпа Михайловсене тăванĕсем, юлташĕсем саламланă.
Кăçал районта 210 арçын ача тата 190 хĕрача çуралнă. Пĕлтĕр çак вăхăтра 454 ача çуралнине шута илнĕ пулнă.