24 ноября 2010 г.
Чÿк уйăхĕн 17-мĕшĕнче «Авангард» хаçатра «Штраф тÿлессе кĕтеççĕ-ши;» ятпа материал пичетленнĕччĕ. Район прокуратури унпа паллашнă хыççăн тĕплĕ хурав пачĕ:
“Килти выльăх-чĕрлĕхе, çав шутра йытта та, ăçта килнĕ унта кăларса ярса çÿретекенсене Чăваш Республикин «Чăваш Республикинче административлă право йĕркине пăснăшăн» саккунĕн 15-мĕш статйипе килĕшÿллĕн, граждансене 500-1000 тенкĕ, должнăçри сăпатсене –1000-2500, юридика сăпачĕсене 10000-20000 тенкĕ таран административлă штраф пама пултараççĕ. Енчен те çапла киревсĕр хăтланни граждансен сывлăхне е ют пурлăха сиенлесен, лартнă йывăçсем шăпах çапла шутланаççĕ, граждансене – 2500, должнăçри сăпатсене –2500-4000, юридика сăпачĕсене –20000-30000 тенкĕ таран штрафлаççĕ.
Административлă право йĕркине пăснăшăн протоколсене шалти ĕçсен органĕнче ĕçлекенсем çыраççĕ, штрафсене райадминистрацин административлă комиссийĕ е миравай судьясем параççĕ.
Тимсĕр хуçасене асăрхаттарас килет: выльăх-чĕрлĕхе ирĕке кăларса янă тĕслĕхсемшĕн район прокуратури милици ĕçченĕсене кирек хăçан та протоколсем çырма хушнă”,–тесе пĕлтерчĕ Патăрьел районĕн прокурорĕ, юстицин аслă советникĕ Ю.Фуражников.