01 декабря 2010 г.
Раççей Правительствин вице-премьерĕ Виктор Зубков видеоконференци мелĕпе «Выльăх-чĕрлĕх ĕрчетессине тата уй-хир ĕçĕсене пурнăçлассине пулăшмалли мерăсем çинчен» канашлу ирттернĕ. Вăл унта вырăнсенче патшалăх шăрăх çанталăк кÿнĕ сиене сирсе яма шар курнă 37 региона уйăрса панă 20 млрд. тенкĕлĕх пирвайхи траншпа мĕнлерех усă курни çинчен пĕлтернĕ.
2011 çулăн 1-мĕш кварталĕнче Правительство выльăх-чĕрлĕх ĕрчетес ĕç аталанăвĕн хăвăртлăхне упраса хăваракан регионсем валли тата 5 млрд. тенкĕ уйăрасшăн.
Канашлу ĕçне хутшăннă Чăваш Ен Президенчĕ республикăн финанс министрне Николай Смирнова тата ял хуçалăх министрне Сергей Павлова Чăваш Енри ял хуçалăх таварĕ туса кăларакансене пулăшмалли бюджет укçине усă курас енĕпе кал-кал ĕçленĕ-шĕн тав тунă.