01 декабря 2010 г.
Чăваш Ен Президенчĕ Михаил Игнатьев «Çулталăк çемйи-2010» республика конкурсĕн çĕнтерÿçисене чысланă. «Обществăн тикĕс аталанăвĕ çемьери лăпкăлăхпа тата çураçулăхпа тÿрремĕн çыхăннă. Эсир Чăваш Енри ытти çемьешĕн тĕслĕх пулса тăратăр», – палăртнă республика ертÿçи уява пухăннисене саламласа. Нумай çул пĕр-пĕрне юратса, ăнланса, пулăшса пурăнакан, йышлă ача çуратса тивĕçлĕ воспитани панă мăшăрсене Михаил Васильевич «Юратупа шанчăклăхшăн» орденпа чысланă.
Çавăн пекех конкурса хутшăннă çемьесем Чăваш Ен мухтавĕ, тĕрекĕ, никĕсĕ пулнине палăртнă. Çирĕп, туслă, телейлĕ çемьесем пуртан чи кăткăс проектсем пурнăçа кĕнине асăннă.