Публикации » Суя таксиста штрафланă

04 декабря 2010 г.

Район прокуратурипе Раççей Федерацийĕн налук службин Чăваш Республикинчи районсем хушшинчи иккĕмĕш инспекцийĕ çул çинче çынсене илсе çÿрекен таксистсем хăйсен ти-вĕçне мĕнле пурнăçланине тĕрĕслес тĕлĕшпе пĕрлехи рейдсем тăтăшах йĕркелет. Тĕрĕслевсенче саккуна пăхăнмасăр услам тăвакан таксистсем те тĕл пулаççĕ. Юлашки тĕрĕслевре, сăмахран, И.Сурнаев хăйĕн автомашинипе пĕр çынна Патăьелĕнчи автовокзалтан ветеринари станцийĕн кантурĕ умне 50 тенкĕ тÿлеттерсе илсе çитерни палăрчĕ. Рейд вăхăтĕнче И.Сурнаевăн индивидуаллă предприниматель пулни çинчен ĕнентерекен свидетельство та пулман. Çавăнпа та унăн çынсене укçа тÿлеттерсе илсе çÿремелли нимĕнле ирĕк те çук. Район прокуратури И.Сурнаев пирки РФ административлă право йĕркине пăсни çинчен калакан Кодексăн 14.1 статйин 1 пайĕпе килĕ-шÿллĕн административлă ĕç пуçарнă, суд участокне ярса панă.

И.Сурнаев суя таксиста саккунпа килĕшÿллĕн 600 тенкĕ штраф панă.

Ю.ФУРАЖНИКОВ,

район прокурорĕ