08 декабря 2010 г.
Районти пушар хуралĕнчен пĕлтернĕ тăрăх çулталăк пуçланнăранпа Юхмапа Пăла тăрăхĕнче 38 пушар пулнă, вут-çулăмра икĕ çыннăн пурнăçĕ татăлнă. Пĕлтĕрхи çак вăхăтра вара 41 пушарта çиччĕн тĕтĕмпе чыхăнса вилнĕ.
Чÿк уйăхĕнче çеç тăватă хуçалăхра вут-çулăм алхаснă. Инкексен сăлтавĕ ытларах вут-кăварпа асăрханусăр пулни. Юлашкинчен Красномайскинчи В.Сироткинсен мунчинчен пушар тухнă. Шартлама сивĕсенче мунча хутнă чухне те питĕ асăрхануллă пулмалла.
Пушар тени çулталăкăн кирек хăш вăхăтĕнче те хăрушă. Пĕчĕккĕн пухнă пурлăха камăн кĕл купине çавăрас килтĕр-ха; Куçа курăнса килмен ÿкĕнĕçлĕ инкек пĕрре çеç пулать. Çавăнпа та унтан маларах асăрханмалла.