08 декабря 2010 г.
РФ Федераци Канашĕн Физкультурăпа спорт тата Олимп юхăмне аталантарас енĕпе ĕçлекен комиссийĕн ларăвне хутшăннă май Мускавра ЧР физкультурăпа спорт тата туризм министрĕ Анатолий Николаев Олимпиецсене пулăшакан фончĕн ĕç тăвакан директорĕпе Александр Катушевпа курнăçнă. Спортмин фондпа тачă çыхăну тытса ĕçлес ыйтусене сÿтсе явнă. А. Катушев республика Олимп резервĕсене хатĕрлес енĕпе ăнăçлă вăй хунине палăртнă, спорт шкулĕсем лайăх ĕçленине тĕпе хурса вĕсем валли 5 грант уйăрни çинчен пĕлтернĕ. Грантсене ачасемпе çамрăксен 2, 3, велосипедистсен 7, хăвăрт утакансен 8-мĕш спорт шкулĕсем, çавăн пекех И. Солдатова ячĕллĕ шкул, ухăран тĕл пеме хăнăхтараканскер, илĕç. Грантсен кăçалхи пĕтĕмĕшле виçи 5,5 млн тенкĕ ытларах пулмалла.