11 декабря 2010 г.
Çак кунсенче ял поселени пуçлăхĕсемпе канашлу иртнĕ. Унта район администрацийĕн пуçлăхĕ Н.Глухов, Чăваш Республикин çар комиссарĕ А.Мокрушин, район прокурорĕ Ю.Фуражников,
Чăваш Республикин çар комиссариачĕн Патăрьел тата Шăмăршă районĕсенчи пайĕн пуçлăхĕ В.Лященко хутшăннă.
Канашлури тĕп ыйту– республикăра, вăл шутра Патăрьел районĕнче те çамрăксене çара илмелли кампани мĕнле пыни.
Юхмапа Пăла тăрăхĕнчен Раççей çарне 88 çамрăка ăсатнă. Ку тĕлĕшпе Çĕнĕ Ахпÿрт, Ишлĕ, Çĕньял ял поселенийĕсем ăнăçлă ĕçлеççĕ. Пăлапуç Пашьел, Тăрăн ял поселенийĕсенче çак ĕçе лайăхрах йĕркелемелле.
Канашлура çавăн пекех ял поселенийĕсен вырăнти строительство проекчĕсен нормативĕсене пăхса тухса çирĕплетес, вырăнти бюджета пахалăхлă пурнăçлас, Çĕнĕ çулпа Раштав уявĕсене ăнăçлă хатĕрленсе кĕтсе илес тата ытти ыйтусене те хускатнă.
(Хамăр корр.).