Публикации » Йăлана кĕнĕ волейбол турнирĕнче

11 декабря 2010 г.

Иртнĕ эрнере Первомайскинчи вăтам шкулта Чăваш Республикин чемпионĕ, ăста тренер, вĕрентÿ отличникĕ Николай Кузьмина асăнса волейболла выляссипе хĕрарăмсемпе арçынсен командисем хушшинче йăлана кĕнĕ турнира йĕркеленĕ. Çивĕч кĕрешÿре иртнĕ вăййа 14 команда хутшăннă. Спортсменсен ушкăнĕсем пĕринчен тепри вăйлăрах пулнă. Çавăнпа та пĕрремĕш вырăншăн пынă тупăшу питĕ хĕрÿ иртнĕ. Çапах та арçынсенчен “Батыревский” акционерсен уçă пĕрлешĕвĕн волейболисчĕсем пĕрремĕш вырăн çĕнсе илнĕ. Иккĕмĕш вырăнта –Первомайски ял поселенийĕ, виççĕмĕшĕнче–Патăрьелĕнчи “Паттăр” физкультурăпа спорт комплексĕ. Хĕрарăмсенчен вара Патăрьелĕнчи тĕп больница волейболисчĕсем пурне те çĕнтернĕ. Иккĕмĕш вырăнта Первомайски ял поселенийĕн, виççĕмĕшĕнче Комсомольскинчи пĕрремĕш вăтам шкул спортсменкисем.