11 декабря 2010 г.
Патшалăх Думи сăрана шурă эрехпе танлаштарма хатĕрленет. Саккун проекчĕн пĕрремĕш вулавĕ иртнĕ те ĕнтĕ.
Аса илтеретпĕр, хальхи вăхăтра саккунпа сăра алкоголь шĕвекĕ шутланмасть. Депутатсем 5 процентран нумайрах спиртлă сăрана халăх йышлă пурăнакан вырăнсенче сутма чарма сĕнеççĕ. Çапла вара, улшăнусем кĕртсен хаяр сăрана вокзалсемпе, аэропортсенче, метрора, çар объекчĕсенче, курттăммăн сутакан апат-çимĕç пасарĕсенче, çавăн пекех вĕсен çывăхĕнчи территорисенче сутма чараççĕ. А. ИВАНОВ.