18 декабря 2010 г.
Салтакра пулса пурнăç тути-масине тутаннă, çар дисциплинине хăнăхнă çын яланах хисеплĕ. Хальхи вăхăтра районта пулас салтаксене ырă сунса ăсату каçĕсем йĕркелеççĕ. Çак кунсенче Треньел клубне халăх йышлă пуçтарăннă. Ял çамрăкĕсемпе тăван-пĕтенĕ, юлташĕсем Сергей Мясникова, Андрей Думилина, Дмитрий Муськина салтакăн хисеплĕ ятне тивĕçлипе пурнăçласа таврăнма ырă суннă. Çак сăлтавпа ăсату каçĕнче нумай пулмасть çар хĕсметĕнчен таврăннă А.Паймин, А.Положин, С.Муськин тухса калаçнă, хăйсем пекех маттур салтаксем пулма пилленĕ.