22 декабря 2010 г.
Иртнĕ шăматкун Козловка ялĕнче пурăнакан Г.Кошкин хуçалăхĕнче каçхине 20 сехетсенче пушар тухнă. Вут-çулăм питĕ хăвăрт аталаннă. Инкекре кил хуçин çурт-йĕрĕ те, хуралтисем те çунса юрăхсăра тухнă. Пушар хуралĕнчен пĕлтернĕ тăрăх хальлĕхе инкекĕн сăлтавĕ паллă мар-ха.
Çулталăк пуçланнăранпа районта 41 пушар пулнă. Пĕлтĕр çак вăхăтра тĕрлĕ сăлтавпа шар кăтартнă 42 инкеке шута илнĕ. Урамра–шартлама сивĕ хĕл кунĕсем. Çавăнпа та ăшăтмалли электроприборсемпе усă курнă чухне пурин те асăрхануллă пулмалла. Инкек тени кирек хăçан та лайăх мар, хĕл варринче çурт-йĕрсĕр тăрса юлни пушшех те.