22 декабря 2010 г.
Ĕç сыхлавĕ мĕнле шайра пулни ертÿçĕсемпе çак енĕпе тăрăшакан ятарлă специалистсенчен те нумай килет. Чăваш Республикин “Чăваш Республикин ĕç сыхлавĕ çинчен” калакан саккуна пурнăçласа вăхăтран вăхăта вырăнсенче вĕренÿ ирттереççĕ.
Нумаях пулмасть çак тĕллевпе районта Чăваш Республикин Сывлăх сыхлавĕпе социаллă аталану министерствин тытăмне кĕрекен “Республикăри ĕç сыхлавĕн центрĕ” патшалăх учрежденийĕ йĕркеленипе 56 предприятипе организацинчи 74 çын ятарлă пĕлÿ илнĕ. Вĕренекенсем хушшинче ял поселени пуçлăхĕсем, шкул директорĕсемпе шкул çулне çитмен учрежденисен заведующийĕсем, ял хуçалăх предприяти ертÿçисемпе тĕп специалисчĕсем, уйрăм предпринимательсемпе предприяти-организацинчи ĕç сыхлавĕн специалисчĕсем пулнă.
А. ИВАНОВ.