Публикации » Çул çитменнисен саккуна малашне те минутпах пăхăнма тивет

25 декабря 2010 г.

Иртнĕ çулхи утă уйăхĕн 24-мĕшĕнче Чăваш Республикин Патшалăх Канашĕ çул çитмен ачасене пур енлĕн аталанма, витĕм кÿме пултаракан факторсенчен хÿтĕленмелли мерăсем пирки саккун кăларчĕ. Вăл шкул коллективĕсенче хăвăрт сарăлчĕ. Унпа килĕшÿллĕн çул çитмен ачасен ( 18 çул тултарманнисен) каçхине 22 сехет хыççăн обществăлла вырăна, урама, клуба тата ытти çĕре те ашшĕ-амăшĕсĕр е аслисемсĕр тухма юрамасть. Çуллахи каникул вăхăтĕнче вара 23 сехетчен урамра пулма ирĕк панă. Йĕрки чăнах çирĕп. Анчах кирек мĕнле пулсан та ăна пăхăнмах тивет. Патăрьелĕнчи Гагарин урамĕнче пурăнакан çул çитмен ачана пĕр каçхине районти культурăпа кану центрĕ умĕнче 22 сехет иртсен милици сотрудникĕсем тытса протокол çырнă. Саккуна минутпа пăхăнманшăн вара ашшĕ-амăшне çул çитмен ачасемпе ĕçлекен комиссинче 500 тенкĕ штраф панă.