14 января 2011 г.
Кăрлачăн 9-мĕшĕнче Шăмăршăри культура çуртĕнче “Раштав çăлтăрĕ” фестиваль иртнĕ. Унта Патăрьел тата Шăмăршă районĕсенчи чиркÿсен çумĕнчи вырсарни шкулĕнче вĕренекен ачасем хутшăннă. Фестивале хапăл тунă ачасене, курма килнисене Шупашкарпа Чăваш епархийĕн 5 округри благочиннăйĕ Сергий иерей пил панă.
Иккĕмĕш хут йĕркеленĕ ачасен юрă-ташă фестивальне пирĕн районтан Пăлапуç Пашьел, Тăрăн, Турхан, Первомайск, Туçа, Патăрьел, Аслă Чемен ялĕсенчи чиркÿсем çумĕнчи вырсарни шкулĕсенчи, Патăрьелĕнчи искусство шкулĕнчи музыка уйрăмĕнчи ачасем хутшăнса пысăк хастарлăх кăтартнă.