22 января 2011 г.
2010 çулхи раштав уйăхĕнче Чăваш Енри физкультурăпа спорт министерстви республикăра тухса тăракан “Тантăш” хаçат редакцийĕпе ачасен ÿнер ăсталăхне пахалас тĕлĕшпе “Эпĕ спорта суйласа илтĕм” ятпа ÿкерчĕксен конкурс-не йĕркеленĕ. Унта пирĕн районтан та сăрă тĕнчипе çывăх хастар ачасем хутшăннă.
Конкурс комиссине 500 ытла ĕç тăратнă. Çамрăк ÿнерçĕсенчен чи кĕçĕнни 6 çулта, чи асли вара 17-ре. Ÿкерчĕксене икĕ номинаципе хак панă: пĕри– “Манăн юратнă спорт тĕсĕ” , тепри– “Атте,анне,эпĕ– спорт çемйи”. Пирĕн районтан конкурса хутшăннă ачасенчен Первомайскинчи вăтам шкулти 11 класра вĕренекен И.Михайлов юлашки номинаципе иккĕмĕш вырăн йышăннă.