26 января 2011 г.
Çĕнĕ Шупашкарти ачасемпе çамрăксен олимп резервĕсем хатĕрлекен 3-мĕш спорт шкулĕн мане-жĕнче Атăлçи федераци округĕнче мала тухассишĕн çăмăл атлетсен ăмăртăвĕ иртнĕ. Унта 11 регионти 500 яхăн чи вăйлă спортсмен пуçтарăннă.
Палăртма кăмăллă: икĕ куна пынă ăмăртусенче пирĕн ентешсем – Треньелĕнче çуралса ÿснĕ К. Фролов çуран утассипе çамрăксем хушшинче, Ишлĕре кун çути курнă А. Прокопьева 400 метрлă дистанцире çуран чупассипе çĕнтерÿçĕ ятне тивĕçнĕ. Çывăх вăхăтра вĕсен Пензăра иртекен Раççей ша-йĕнчи ăмăртура Атăлçи федераци округĕн чысне хÿтĕлеме тивет.
Ентешсем иккĕшĕ те ха-лĕ олимп резервĕсем ха-тĕрлекен училищĕре пĕ-лĕвне малалла тăсаççĕ.
А. ИВАНОВ.