Публикации » Иккĕмĕш хут милиционерсен аллине çакланнă

26 января 2011 г.

Районти шалти ĕçсен пайне Первомайскинче пурăнакан пĕр арçын хăй килĕнче хĕç-пăшал евĕрлĕ япала упрани пирки оперативлă информаци çитнĕ. Йĕрке хуралçисем унăн хуçалăхне ухтарнă чухне чăнах та çак хыпар çирĕпленнĕ. 38 çулхи арçын килĕнче милиционерсем хăй тĕллĕн хатĕрленĕ хĕç-пăшал упранакан çыхха тупнă. Тăнăç пурнăçра çапла вăрттăн хура ĕç туни шухăшлаттарать те, тĕлĕнтерет те. Милици сотрудникĕсем ăсталанă хĕç-пăшала çийĕнчех илнĕ, экспертизăна янă. Хальхи вăхăтра арçын пирки уголовлă ĕç пуçарас ыйту тăрать. Çак пуçтах милиционерсен аллине пĕрремĕш хут та çакланман-мĕн. Маларах та ăна çак сăлтавпах судра пăхса тухнă.