29 января 2011 г.
Нумай пулмасть Шупашкарти “Спартак” спорт комплексĕнче каратэ енĕпе “Çĕнĕ ăру” фестиваль иртнĕ. Турнира Шупашкар, Çĕнĕ Шупашкар хулисенчи, Мордва Республикинчи Рузаевка, Саранск хулисенчи, Етĕрнепе Патăрьел райо-нĕсенчи çамрăк спортсменсем хутшăннă.
Спортăн çак енĕпе аталанса çитĕнÿ тăвакансем Юхмапа Пăла тăрăхĕнче сахал мар. Фестивале Патăрьелĕнчи “Паттăр” физкультурăпа спорт комплексĕнчи “Такуан” спорт клубĕн членĕсем те хастар хутшăннă. 7-10 çулсенчи çамрăк спортсменсем хушшинче Ильфат Вахитов каратист иккĕмĕш, Николай Бородкин виççĕмĕш вырăнсене йышăннă.