Публикации » Татьяна Паймукова Атăлçи регионĕнчи чи-чи матурри!

29 января 2011 г.

Татьянăсен кунĕ ячĕпе Чулхулара регионсем хушшинчи “Атăлçи Татьяна–2011” фестиваль йĕркеленĕ. Пилĕк тапхăртан тăракан финалти конкурса пысăк хуласенчи ултă хĕрача хутшăннă. Вĕсенчен Чăваш Ен чысне И. Ульянов ячĕллĕ Чăваш патшалăх университетĕнчи медицина факультечĕн пĕрремĕш курс студентки Татьяна Паймукова хÿтĕленĕ. Пулас врач хăйĕн пултарулăхне пур енĕпе те ăнăçлă кăтартнă: юрлассипе те, ташлассипе те, артист маçтăрлăхĕпе те... Жюри членĕсем Татьянăна “Атăлçи мисĕ–2011” коронăна тата хаклă парнене парса чыс тунă.

Чăваш Ен чысне хÿтĕленĕ Т.Паймукова савăнăçĕ пирĕншĕн уйрăмах çывăх. Татьяна Патăрьелĕнчи пĕрремĕш вăтам шкултан вĕренсе тухнă. Хĕрачан пур енлĕ пултарулăхĕ шăпах çакăнта тĕвĕленнĕ.