29 января 2011 г.
Чăваш Ен Президенчĕ Михаил Игнатьев Пĕтĕм Раççейри патшалăхăн чрезвычайлă лару-тăруран сыхланмалли тата инкексене сирсе ямалли пĕрлехи тытăмĕн ĕçне, 2010 çулта граждан оборонин мероприятийĕсене пурнăçланине пĕ-тĕмлетмелли тата 2011 çул валли тĕллевсем палăртмалли сбора хутшăннă.
Анлă мероприяти Раççей МЧСĕн Патшалăхăн пушар хурал службин академийĕнче министерство пуçлăхĕ Сергей Шойгу тата Раççей Правительствин пĕрремĕш вице-премьерĕ Игорь Шувалов ертсе пынипе иртнĕ.
Сбора хутшăннисем çивĕч ыйтусене сÿтсе явнипе, ĕçе пĕтĕмлетнипе тата малашлăх тĕллевсене палăртнипе пĕрлех çĕр-шыври шанăçлăха упраса хăварас ĕçе хăйсен курăмлă тÿпине хывнисене те чысланă. Республикăра Правительствăн чрезвычайлă лару-тăруран сыхланас тата инкексене сирсе ярас енĕпе комиссине 7 çул ытла ертсе пынă М. Игнатьева Раççей МЧСĕн «Чрезвычайлă лару-тăру сиенне пĕтерес енĕпе палăрнăшăн» медальне панă.