Публикации » Чăваш Енре – «Хĕвеллĕ çурт»

29 января 2011 г.

Шупашкарта энергин альтернативлă çăл куçĕсем – хĕвел тата çил пулăшнипе ăшăтакан тата çутăпа тивĕçтерекен пĕрремĕш çурта туса пĕтернĕ. Чăваш Енре хальлĕхе ун пекки урăх çук. «Хĕвеллĕ çуртăн» (проект авторĕсем ăна çапла ят панă) тăррине хĕвел батарейисем тата çил генераторĕ вырнаçтарнă. Вĕсем хĕвелпе çил энергийĕсене электричествăнни евĕрлĕ тăваççĕ. Çурт тăрринчи коллектор вара хĕвел ăшшине ятарлă технологие пула ăшăтакан тытăм патне çитерет, çав шутра хĕлле те. Унсăр пуçне 20 тăваткал метрлă пÿ-лĕмре питĕ хăватлă çутă диочĕллĕ светильниксем лартнă, вĕсем электричествăна тухăçлă усă курас тата ятарлă радиатор пулăшнипе офиса ытларах ăшăтма май параççĕ.