02 февраля 2011 г.
Районта хăйсен пайтишĕн сăмакун сутакансем тупăнсах тăраççĕ. 2010 çулхи раштавăн 14-мĕ-шĕнче Çĕньялта пурăнакан С. гражданин хăйĕн килĕнчен И. гражданина килте туса хатĕрленĕ сăмакун сутнă. Экспертизăна янă хыççăн спирт тытăмлă шĕвек 30,5 градуслă пулни, ГОСТ ыйтнине тивĕçтерменни палăрнă. Çакă вара çын сывлăхĕшĕн пысăк хăрушлăх кăларса тăратать.
Следстви пынă тапхăрта айăпланакан С. гражданин хăйĕн айăпне йышăнса ÿкĕннĕ. Хальхи вăхăтра йышăну тума ĕçе Патăрьел район судне ярса панă.
В.ЗАЙЦЕВ,
РФ следстви комитечĕн Чăваш Республикинчи следстви управленийĕн Патăрьелĕнче вырнаçнă районсем хушшинчи следстви пайĕн аслă следователĕ.