02 февраля 2011 г.
Кăçал республикипе пĕрремĕш пушар пирĕн районта тухрĕ пулин те, вут-çулăмпа кĕрешекенсемшĕн кăрлач уйăхĕ кăра пулмарĕ. Çĕнĕ çулăн пуçламăш уйăхĕнче пĕр инкеке çеç шута илнĕ. Иртнĕ çулхи çак тапхăрта вара пушарниксен тăватă хутчен вутпа куçа-куçăн тăма тивнĕ.
Пушар хуралĕн ĕçченĕсем тăтăшах вут-кăварпа асăрхануллă пулмаллине калаççĕ, ку тĕлĕшпе профилактика ĕçĕсем те йĕркелеççĕ. Куçăхтарас марччĕ, асăрхаттарнин усси пурах. 2010 çулта, сăмахран, Алманчă тата Нăрваш Шăхаль ял поселенийĕсенче пĕр пушар та пулман.