Публикации » Наркомани–хăрушă чир

05 февраля 2011 г.

Çын сывлăхĕшĕн, наркомани хăватлăран та хăватлă наркăмăш. Унăн серепине çакланмаллипех çаклансан хăпса тухма та йывăр. Пирĕн районта та çак хăрушă чиртен асăрханас, ăс-тăн тĕлĕшĕнчен улăштаракан наркăмăшран çамрăксемпе çул çитмен ачасене сыхлас тĕлĕшпе районта ятарлă программăсем пур. Вĕсене пурнăçа кĕртес тĕллевпе чăн малтанах районти тĕп больницăри наркологи служби, районти шалти ĕçсен пайĕ тимлет. Хальхи вăхăтра наркологи службинче çул çитмен сакăр çамрăк шутра тăрать. Вĕсенчен виççĕшĕ вара хĕрача. Çак çамрăксене пурне те районти çул çитмен ачасен правине хÿтĕлес тĕлĕшпе тимлекен комиссинчен янă. Иккĕленÿллĕ ачасем пурте çирĕп сăнавра.