05 февраля 2011 г.
Хальхи вăхăтра пĕр-пĕр организаци е предприяти ячĕ улшăнасси йăлана кĕнĕ, хăнăхнă пулăм пек çеç туйăнма пуçларĕ.Тĕрĕссипе ахаль çыннăн вĕсен “тĕне” кĕнĕ ячĕсене йĕрлесе, ас туса пĕтерме те май çук. Хăшĕ-пĕрне вара вăрăмлатас тесен пуçватмăш пекех вăрах шухăшласа лармалла.
Районти патшалăх пушар надзорĕн уйрăмĕ (ОГПН) çĕнĕ ятпа ĕçлеме пуçлани виççĕмĕш уйăх. 2010 çулхи раштавăн 1-мĕшĕнчен пуçласа вăл “Надзор ĕçĕ-хĕлĕн уйрăмĕ” шутланать. Вырăсла ăна “Отделение пожарной деятельности” теççĕ. Пушар надзорĕн ячĕ улшăннă пулин те, тĕп ĕçĕ киввиех юлнă: пушар хăрушсăрлăх йĕркине пăхăнннине тĕрĕслесси, инкек-синкекрен асăрханма профилактика тăвасси.