05 февраля 2011 г.
Нумаях пулмасть республикăри вăтам тата аслă професси пĕлĕвĕ паракан учрежденисемпе студентсен канашĕн председателĕсем, сывă пурнăç йĕркине пропагандăлакан комитетсен ертÿçисем студентсен активĕн “Çамрăксене шанмалла!” лагерĕн ĕçне хутшăннă. Ăна ЧР Вĕрентÿ министерстви, “Чăваш Ен” фонд, “Сывă наци” общество организацийĕ йĕркеленĕ.
“Çамрăксем хушшинчи обществăна хирĕçле пулăмсем” “çавра сĕтеле” ЧР Прокуратурин, Шалти ĕçсен, Сывлăх сыхлавĕн министерствисен, наркотиксен çаврăнăшне тĕрĕслесе тăракан службăн, “Сывă наци”, “Чăваш Енри çамрăк ыр кăмăллăхсен пĕрле-шĕвĕ” общество организацийĕсен представителĕсем хутшăннă, хĕр-упраçпа яш-кĕрĕм хушшинче наркотикпа иртĕхесси вăй ан илтĕр, экстремизмпа терроризмăн тĕрлĕ тĕсĕ ан палăртăр, йĕркене пăсасси ан ÿстĕр тесе профилактика ĕçне мĕнле йĕркелемеллине ăнлантарнă.