09 февраля 2011 г.
Нарăс уйăхĕн 13-мĕшĕнче Пĕтĕм Раççей йĕлтĕр çине тăрĕ. Вăл шутра пирĕн районти сывă пурнăç йĕркине кăмăлакансем те хăйсене тĕрлĕ дистанцире тĕрĕслĕç.
Юхмапа Пăла тăрăхĕнче ăмăртусене 9 çĕрте: Патăрьелĕнче, Первомайскинче, Аслă Чементе, Хирти Пикшикре, Сăкăтра, Нăрваш Шăхалĕнче, Туçара, Алманчăра, Çĕньялта ирттерме палăртнă. Ытти ял поселенийĕсен те айккинче юлмалла мар, çак вырăнсене спортсменсене илсе çитерессине йĕркелемелле.
Пĕтĕм Раççейĕпех старт 12 сехетре пулĕ. Çĕнтерÿçĕсене дипломсемпе тата парнесемпе чыслĕç.
Хаклă район çыннисем, йĕлтĕр сырса уява хутшăнма тăрăшар!
(Хамăр корр.).