09 февраля 2011 г.
Лаша пуласси тихаран, çын пуласси ачаран паллă, теççĕ ваттисем. Пурнăçра чăнах та çапла. Хальхи вăхăтра Кÿкеçри интернатра 9 класра вĕренекен Патăрьел каччи–Александр Ильин пултарулăхне хакласа темĕн чухлĕ ырă сăмах калас килет. Саша кĕçĕн класра чухнех хут çине сăрăпа ÿкерме кăмăлланă. Ÿкерчĕкĕсем чăнах та питĕ лайăх, илĕртÿллĕ пулса тухнă. Арçын ача çавăнтанпах хăйĕн пултарулăхне туптать. Вăл чиркÿпе çыхăннă темăпа та ĕçлет: тĕрлĕрен апостолсене те, иконăсене те ÿкерет. Çамрăк талант республика шайĕнче иртекен ÿнерçĕсен конкурсĕнче те пĕрремĕш вырăнсене йышăннă.
Сашăн ĕмĕчĕсем çунатлă. Вăл çак енĕпе аслă шкул пĕтерсе анлă çул çине тухасшăн.