12 февраля 2011 г.
Чăваш Ен Президенчĕ Михаил Игнатьев Шупашкар тата Чăваш Ен митрополитне Варнавăна йышăннă. Михаил Игнатьев хальхи вăхăтра хăй ĕçлĕ çул çÿревсенче пулни, республикăри районсемпе хуласене тухса çÿресе муниципалитетсен социаллă пурнăçпа экономика аталанăвĕн 2010 çулхи пĕтĕмлетĕвĕсемпе çыхăннă канашлусене хутшăнни çинчен пĕлтернĕ.
Республика пуçлăхĕ çийĕнчех татса памалли çивĕч ыйтусем пурри пирки те палăртнă. Сăмахран, пурăнмалли çурт-йĕрпе коммуналлă хуçалăхри ĕç пахалăхĕ.
Нарăсăн 18-мĕшĕнче Чăваш Ен Президенчĕпе Варнава владыка Мускав тата Пĕтĕм Руç Патриархĕпе Кирилпа тĕл пулаççĕ. Михаил Игнатьев Патриарха Чăваш Ене çитсе курмашкăн чĕнес шухăшлине владыкăна пĕлтернĕ.
“Турă ырă сунса пиллесен йăлтах йĕркеллĕ пулĕ, пурнăç лайăхланĕ, ĕмĕтленни çитĕ”,-тенĕ юлашкинчен Шупашкар тата Чăваш Ен митрополичĕ Варнава.